مصطلحات حجازية

[size=24]

> مصطلحات حجازيه....
> اهل المدينة وكلامهم اللى زي العسل ..وبصفة عامة الحجاز ككل, فيه مصطلحات جميلة جدا وعبارات لازالت الى الان تتداول بين الناس برغم المدنية والعصرية الحديثة > الموضوع ماهو الا قاموس بحت لكل لفظة غارقة فى القدم وموجودة حتى اليوم على السنة الناس وتحديدا اهل المدينة ....
>
> تعالو نقرا سوا ... واي شخص حابب يضيف مفردة مافي مانع وبكل الحب ياليت يتكرم علينا فيها

> - بكش= نصب = مبالغة،، يقال (فلان بكاااااش يعني يبالغ كثير في كلامه.

> - إيش اللي حارق رزك= إيش اللي معصبك
> - فاتك: راح عليك.

> - منو = ليس ...مثلا فلان اعطوه قسيمة علشان منوه رابط
> الحزام ..ولك تستخدم منتا ..حينما يسألك احد يقولك ليش منتا رابط
> حزام ..بمعنى لماذا ايضا .وتقال خارج الحجاز،، منت،، مثل قول (منت رايق فيك شيء ومتضايق).
>
> - صقع= قبع: صدم و اصطدم .
>
> - انفقش: بمعنى اصابته ضربة في رأسه سال منها الدم ..وتاتي
> بمعنى الانكسار احيانا .

> - الفجعة: الخوف الشديد والاندهاش الناتج من صدمة المفاجأة،،، ويقال (فجعة الديب ولا قتله). والمفجوع : هو انسان خائف وتأتي في الاكل بمعنى الشره الكثير الاكل.

> - يقيِّل: يسهر ،،، يقال (تعالو اليوم قيلو عندنا ).وتعني خارج المملكة وفي اللغة انه ينام بعد الظهر وتسمى(قيلولة ).

> - غبنِّي: قهرني ،، من الغبن،، أي القهر وهضم الحق.

> - صرفدني: ازعجني .

> - هيَّا خُدلَك = هيا كلو : يعني شوف هذا ايش يقول ..وتستعمل الكلمة للإستغراب.

> - سخَّرك: جعلك ،،، يقال: ( الاخ يقول لااخوه : مالله سخرك تجبلي عيش اليوم).،،تجبلي= تحضر لي .

> - قاعدلو= جالسلو ه : عقد الأمور عليه يقال (انا نجحت بس جالستلي مادة عند دكتور ..) يعني معقدتني .
>
>
> - فيلو: يعني فيه.
>
>
> - ماصخ : بدون سكر (نفس الكلمة عند بعض دول الخليج ) وقد تعني ماله طعم ..وقد تستخدم في الانتقاد للشخص ثقيل الدم أو السخيف.
> - يعِل=عِلِّة= ينْحِل: يتعب ويقهر يقال: (الام تقول لولدها :ناحلت قلبي وانا اقومك من النوم ) بمعنى تعتبني حتى استيقظت من نومك.
> - يستكري: يستأجر،، مثلا (طلعنا نستكري بلاد) طلعانا استأجرنا استراحة .
>
>
> - دروخة : دوخة .
>
>
> - يا هو : تأتي بمعنى ياناس او ياعالم ..في النداء ...وفي الفرح تعني مين قدك ..مثلا (ياهو عندك ارحامك اليوم مين قدك).
> - منسدح او مسدوح: بمعنى متكئ،،، وقد تاتي بوصف حالة النعاس ..يقال( هل نام ابوكم ..الرد : لا والله مسدوح في الصالة يبغى ينام ).
>
>
> - متصروع : مستعجل ..مثلا فلان متصروع على الخرجة يعني نفسو يخرج بسرعة ..ومصروع= دائخ.
>
>
> - يخمر: قد تستعمل في الطبخ لكن في الكلام العادي تعني يسعد .
> ________________________________________
> - قرنبع : خردة(ماتنفع بقرش) وللمؤنث مقربعة .(مثلا واحد يقول : سيارتكم قرنبع او مقربعة ) وتصغيرها (عزقة).
>
>
> - عبال : إلا أن،،، يقال: ( جهز نفسك عبال مااسخن السيارة واجيك).
> - تريقه: مزح .
>
>
> - عبي: إملأ،، وجهز،، (مثلا فلان اخذ سيارته يعبيها بنزين ) (وعبي نفسك انا الربوع جي = هنا تعني جهز ).
>
>
> - أندر: اخرج،،، على قولة الكلمة المشهورة جدا (اندر ندرت عينك ) و حل = روح عني ...وطس= انقلع.
>
>
> - ينغبر: بمعنى انها يبحث ويدور،، يقال ( على إيش قاعد تنغبر من اليوم؟؟).
>
>
> - حلَّني : يعني أستنى الفرج،، يامن يعيش،، لفظة ساخرة المراد منها إقناع الشخص بعدم الإعتماد على شيئ معين،، يقال ( حلني لو زودوا الرواتب،،، حلني لو جبنا كاس العالم).
>
>
> - مربرب: متين.
>
>
> - يكد: يمشط ،، يقال (اكد شعري).
>
>
> - صبت: تعني نزلت للسوائل ،، يقال (صبلي : اسكب لي ..وامس صبت مطرة = يعني امس هطلت امطار).
>
>
> - كب: سكب على الارض ..مثلا فلان اتعدى برجلو وكب الموية ...بمعنى انه من غير ان ينتبه اصطدمت رجله بكاسة موية وانسكبت على الارض
>
>
> - كباس= بزبوز: صنبور الموية
>
>
> - دوبي=توي= دحين : تعني الآن،،، يقال (دوبي جي من البيت ) يعني الان جيت .
>
>
> - دردب: كانت بمعني راح لكن الان تعني يأكل مثلا (فلان يدردب اي شيء يعني يأكل اي شيء ).
>
>
> - اتحير : بمعنى اتأخر ...مثلا الام تقول لولدها (لا تتحير عليا و تلطعني ورانا القصر دحين ) القصر= قصر افراح ..مثلا قصر الشموع زمان وقصر هبا ..وكلمة تلطعني = تأخرني جدا ..وورانا= عندنا .
>
>
> - مدردم : الشكل الشبه بيضاوي او دائري .
> ________________________________________
>
> - جا على بالي: وتماثلها ( قاللي عقلي)،، يعني افتكرت وعندما تستخدم في السؤال مثلا (جا على بالي انك سافرت ورحت جده ) بمعنى كنت اظن انك سافرت جده.
>
>
> - لا تتخشخش: لا تخش (لا تدخل ) اماكن مشبوهة وبعيدة عن الاعين .بمعنى (تندس) = تختفي.
>
>
> - أجبلك: بمعنى احضر لك،، ومنها: جيبولو = احضر له.
>
>
> - متدهور: حالته سيئة بسبب مرض او خسارة او انحراف.
> -
>
>
> حطيت: بمعنى احضرت ووضعت ،، مثلا (الأستاذ الفلاني شكلو حاطني في راسو) بمعنى واضعني على باله،، وجالسلي.
>
>
> - شكلو: يعني يبدو ..ايش شيكلو = كيف يبدوا ؟ ...وشكلك تعني هيئتك وسحنتك،، مثلا (شكلك مارحت العمل اليوم شفت سيارتك واقفة ) .وتستخدم للتهكم والمزح (بلا في شكلك ) تعنى وجع في وجهك ..وماادري ايش دخل الوجع في الوجه ..لكن كلمات مثل طرش وجع مرض ..حينما تنقال مفردة بدون كلمات قبلها او بعدها تعني الانتقاد في حالة عصبية الشخص ...مثلا فلان كان ماشي ودعس (اي وضع رجله) على رجل عجوز كان نايم بجانبه ..فيقوم العجوز ويقوله : وجع في عينك منتا شايف رجلي؟؟ ..كانت في القديم تستخدم في الانتقاد الجارح،، بمعنى (بالفعل انا اتمنى لك المرض)،، لكن في الوقت الحالي صارت تقال على سبيل الانتقاد والمزح فقط ..ولايقصد فيها معناها الاصلي.
>
>
> - بخت: اصل الكلمة عراقي وتعني حظ ..مثلا (فلان جالس يغني،، قاله صاحبه يابخت الاطرش= يعني ياحظ الاطرش الذي لايسمع الصوت انه لايسمع صوتك) .وتطابق المثل القديم (يابخت من زار وخفف) ويابختك = ياحظك ..وبختك ياعم ..يعني حظك ...وشختك بختك = لعبة حظ قديمة.
>
>
> - شخمطه: الكتابة بشكل غير مفهوم ومرتب،، ويقال ( فلان أتضارب مع علان وشخمطه،، يعني بهدله).
>
>
> - يتشخرط: يتدلع ويتعزز على الشيء ..مثلا (فلان يتشخرط علينا مو راضي يجينا ) يعني ثقلان ويدلع.
>
>
> - ينْكُت=يشعتر: ينثر و يخربط الترتيب .(يخربط= يخرب).
>
>
> - قُبَالُه = جنبه ومقابله،، يقال ( أجلس قبالي،، أي أمامي وفي مواجهتي).
>
>
> - هرْج : كلام،، ومنها،، أهرج = انطق=اتكلم. والهرجة الكلام بين اثنين = كلمة راس ويقال (وايش الهرجة = يعني ايش الموضوع،، إيش صار؟؟) .
>
>
> - تبعي: لي يقال: (هذه تبعك السيارة الموقفة هناك ..يعني هل هي تخصك؟).
>
>
> - مُو : هل .مثلا (مو انتا الي جيت ديكا النهار =يعني هل انت الي جيت قبل فترة
>
>
>
> ربنا ما حبنا: جملة إستفهامية تعجبية يراد منها ( لماذا لم أحصل على نصيب من القسمة).
>
>
> - قعر القفة: يقال ( فلان وقع من قعر القفة،، أي: ليس له نصيب).
> - يخطف الكبابة من فم القدر: تطلق على الإنسان المستعجل والمتلهف والسبَّاق.
>
>
> - عُقُر: يقال : فلان رجل عقر،، أي واعي وذكي ومتمكن ولا تفوته الفرص.
>
>
> - واحد واحد: يقال ( فلان دا طلع واحد واحد) كناية على الإعجاب.
>
>
> - آنستنا: مأخوذة من الأنس: أي فرحنا بوجودك.
>
>
> - آنستكم الرحمة: تقال للتهنئة لدى نزول المطر.
>
>
> - فصعه: تطلق على الفتاة المنحلة،، يقال: ( البنت هادي فصعه،، ويقال: أجلسي يا بنت بلا فصعنه.
>
>
> - يعرمِش: يأكل بصوت.
>
>

مشكوررررررر يسلمووووووو
يعطيك العافيه
تقبل مروري

كل الشكر
يعطيك العافيه
تقبل مروري

يسلمووووو
تقبل مروري

يسلمووووووووووو

يسلمممممممممممممممم(ربي)ممممممممممممممك

موضوع جميل

تقبلِ مروري

تـــــح ـــــيأتـــــي